domingo, 1 de mayo de 2016

Historia, natureza, literatura, conversas...

Cada saída do club de lectura é diferente. Todos os anos queremos rematar os nosos encontros literarios sacando os libros e as lecturas fóra do centro. Desta vez conseguimos que fora especial polo lugar e pola compañía.

Só os que visitaron algunha vez Santa Mariña de Augas Santas saben que ese lugar é diferente. A natureza mestúrase coa lenda e coa realidade; e, por un momento sentes co viaxas no pasado. Grazas a Begoña e Noemí fixemos esta viaxe no tempo descubrindo cada recuncho e lembrando a lenda de Mariña.

Pero esta viaxe máxica non remata aquí; emerxe en cada unha das rúas e das paisaxes de Allariz. Os compañeiros do Instituto foron os encargados de descubrirnos os segredos da vila. E xuntos escoitamos a Manuel María e lemos as composicións que eles prepararan para nós. 


Historia, natureza, literatura, conversas...
Os ingredientes perfectos para unha quedada literaria.
Grazas aos de Allariz a aos do Rosal por esta xornada literaria.

0 comentarios: