Hoxe tivo
lugar a quinta xuntanza do Club de lectura de adultos. Nesta
sesión traballamos sobre a segunda proposta lectora: A neta do
señor Linh.
A novela conta a soidade do señor Linh, un vello
asiático que abandona o seu país, destrozado pola guerra, e levando
con el o único que lle quedou, a súa neta e algún recordo. No país
que o recibe atopa ao señor Bark, outro home que vive en soidade.
Claudel cóntanos os encontros destes dous homes con linguas
distintas pero que son quen de comunicarse e facer que entre eles
xurda a amizade.
O día a día do protagonista mostra unha experiencia
de desarraigo e illamento, unha realidade crúa, pero é tamén un
canto á tolerancia, ao respecto e á esperanza a través da amizade.
O estilo é sinxelo, con aires cinematográficos e
pode ser aconsellada a súa lectura para unha franxa de idade moi
ampla, dende a xuventude ata a idade madura…
Fai rir, chorar e chega ao corazón. O autor
consigue comunicar emocións.
O libro gustou moitísimo aos nosos lectores-as!
Quedamos
convocados para o día 9 de marzo, á mesma hora!
0 comentarios:
Publicar un comentario